E’ mi fradèl e la su dona
l’è tott l’instèda chi’ zirca
su i è e’ smaròin nustrèn in zòir,
che zò in pianèura st’inveran
u s’è brusè d’impartòtt.
U i è di dè ch’i vrèia lassè andè da busè
ma tott al porti, e a stè se nès pr’aria
par santòi s’u i è cl’udour,
mo la dmanda da fès l’è questa:
se st’an un gnè e’ smaròin, sa chè ch’u s po’ cundòi
pòll e pateti da mett te fòuran par la fèsta?
Mio fratello e la sua donna/ è tutta l’estate che cercano/ se c’è in giro il rosmarino nostrano/,che giù in pianura quest’inverno/ si è bruciato (col gelo) dappertutto.
Ci sono dei giorni che vorrebbero smettere di bussare/ a tutte le porte e stare col naso per aria/ per sentire se c’è quel profumo/ ma la domanda da farsi è questa:/se quest’anno non c’ il rosmarino, con cosa si può condire/ pollo e patate, da mettere nel forno per la domenica?
Nessun commento:
Posta un commento